САЙЛАУ ЖҮЙЕСІНІҢ ОНТОЛОГИЯЛЫҚ МОДЕЛІН ӘЗІРЛЕУ

Аңдатпа

Аннотация. Сайлау – мемлекеттік лауазымдарға адамды таңдау үшін халықтың шешім қабылдауы. Сайлау арқылы азаматтар саясат пен мемлекеттік басқаруға атсалыса алады. Сайлау үрдістері ашық түрде өтсе де, сайлау жүйесі туралы ақпараттарды барлығы біле бермеуі мүмкін. Сайлау жүйесі дегеніміз — Қазақстан Республикасындағы сайлауды өткізу мен ұйымдастыруға байланысты туындайтын қоғамдық қатынастар жүйесі. Оған сайлау комиссияларын құру мен олардың қызметі, сайлау округтерін, учаскелерін құру, сайлау алдындағы үгіт-насихат, сайлаудың қорытындыларын анықтау, т. б. жатады. Бұл мақалада сайлау үрдістерін тез түсінуге мүмкіндік беретін сайлау жүйесінің онтологиялық моделі сипатталған. Сайлау жүйесі пәндік облысы бойынша түсініктер мен олардың арасындағы қарым- қатынастар, экземплярлары алынып, аксиомалық ережелері көрсетілген.