ИНТЕРАКТИВТІ ТАПСЫРМАЛАР – ЗЕЙІНДІ ҰСТАУДЫҢ БАСТЫ КЕПІЛІ

Аннотация

Аңдатпа. Ақпараттық технологиялар мен интернет дамыған заманда әрбір адамның зейінмен байланысты проблемалары бар. Миға күнделікті келіп жатқан ақпараттар легін толастату да мүмкін емес. Алайда, адамның миы ол ақпараттың бәрін қорытуға қауқарсыз. Күнделікті келіп түсетін мәліметтер әр түрлі тақырып пен форматты. Ми ойланып үлгермей жатқанда екінші бейне немесе афиша алдымызға шығады. Осының нәтижесінде, адамдарда клиптік ойлау жүйесі қалыптасып келіп жатыр. Ол дегеніміз ойлауымыздың қысқа ұзақтықтағы бейнелерден тұруы. Ақпарат 5-10 секундта ауысып отырмаса, зейін шашырап, ақпарат қабылдаудан жалығып, келесі ақпаратқа өтіп кетеді. Мұның барлығы, әрине, мектеп оқушыларының оқу процесіне қатты әсер етуде. Сабақ барысында білім алушылардың зейінін сабақта 45 минуттың 30-40 % -ында ғана ұстап отыруға болады. Осы тиімділікті арттыру үшін оқу процесіне интерактивті тапсырмаларды қосудың маңызы зор.