ҚАЗАҚ ЖҮЗДЕРІ ТУРАЛЫ ЖАЗБА ДЕРЕКТЕРГЕ ШОЛУ

Аңдатпа

Бұл мақалада жазба деректер негізінде қазақ тарихының күрделі
мәселелерінің бірі – жүздердің пайда болу тарихы баяндалады. Ортағасырлық жазба деректерде қазақ жүздері туралы мәліметтер өте аз. Сондықтан тарихи жазба деректердің жоқтығынан бұл тақырып әлі күнге дейін даулы күйінде қалып отыр. Мақалада жүздердің пайда болу тарихына қатысты тарихнама мен жазба деректерге қысқаша шолу
жасалады. Авторлар, жазба деректерді пайдаланып «үш жүз» сөзін қайта зерттеу қажеттілігі туралы ойды айтқан көрнекті ғалым В.П. Юдиннің идеясын жүзеге асыруға талпыныс жасайды. Сонымен бірге Мұхаммад Хайдар Дулаттың «Тарих-и Рашиди», Заһир-ад-дин Бабырдың «Бабыр-нама», Ноғай биі Сейіт-Ахметтің хаты, белгісіз автордың «Дафтар-и
Шыңғыснама» және Ходжамқұли бек Балхидің «Тарих-и Қыпшақ-ханы» сияқты тарихи дереккөздер біршама талданады.