Стратегиялық болжау әдістері қаржылық менеджментте

Аңдатпа

Бұл мақалада қаржылық менеджментте қолданылатын стратегиялық болжау әдістері 
қарастырылады. Болжау - белгісіздік пен сыртқы ортаның динамикалық өзгерістері жағдайында тиімді 
басқарушылық шешімдер қабылдауға арналған негізгі құрал. Стратегиялық болжаудың практикалық 
қолданылуы қаржылық тәуекелдерді азайтып қана қоймай, кәсіпорынның ұзақ мерзімді тұрақтылығын 
арттыруға мүмкіндік береді. Мақала болжау дәлдігін және қаржылық ресурстарды басқару тиімділігін 
арттыру үшін инновациялық технологияларды интеграциялаудың маңыздылығын атап көрсетеді. 
Экономикалық ортадағы жоғары турбуленттілік пен басқару процестерінің күрделенуі жағдайында 
қаржылық менеджмент жүйесінде стратегиялық болжаудың маңызы арта түсуде. Мақаланың мақсаты - 
кәсіпорынның қаржылық дамуын бағалау мен жоспарлауға қолданылатын стратегиялық болжау әдістерін 
талдау және жүйелеу. Жұмыста дәстүрлі тәсілдер, соның ішінде трендтерді экстраполяциялау, сезімталдықты 
талдау және сценарийлік модельдеу, сондай-ақ эконометрикалық модельдерге, машиналық оқытуға және 
үлкен деректерді (Big Data) өңдеу технологияларына негізделген заманауи әдістер қарастырылған. 
Инновациялық шешімдерді интеграциялау арқылы болжау дәлдігі мен негізділігін арттырып, тәуекелдерді 
азайтуға және кәсіпорынның ұзақ мерзімді қаржылық тұрақтылығын қамтамасыз етуге мүмкіндік беретін 
біріктірілген тәсілдің практикалық маңыздылығы атап өтілген. Салаларға, бизнестің ауқымына және 
аналитикалық деректердің қолжетімділігіне байланысты қолайлы әдісті таңдау мәселелеріне ерекше назар 
аударылды. Зерттеу нәтижелері корпоративтік басқару деңгейінде қаржылық жоспарлау тиімділігін 
арттыруға арналған практикалық ұсыныстар ретінде қолданылуы мүмкін.